Di paradaton ni halak Batak, raja parhata gabe sada raja na ingkon adong. Na gabe raja si panungkun manang raja si pangalusi. Di sada ulaon paradaton, dang suman molo parsuhut bolon na gabe raja parhata. Si paiduai ni hasuhuton ma nian gabe raja parhata di ulaon i.
Ale adong dope sada ruhut di adat Batak taringot tu raja parhata, aha ma i?
Piga ari na salpu, toho ma binegenege angka natuatua manghatai. Jala sian panghataion i sahat ma taringot tu raja parhata. Didokma, dang jadi namabalu gabe raja parhata.
Aha ma dasor ni ruhut na songon i?
Dang boi namabalu manorushon hata pasu-pasu, ninna ma patoranghon.
Ido tahe, molo di paradaton, raja parhata manorushon hata pasu-pasu, isarana lewat angka umpasa dohot umpama. Hape godang do angka raja parhata na so umboto on, manang paula so iboto. Alana di na deba, raja parhata gabe tarsongon sada profesi na ma. Profesi na mangalului hepeng, hape nian nunga dao sian angka ruhut-ruhut ni adat angka naung diaturhon angka ompunta na parjolo.
sumber foto: en.wikipedia.com
Tidak ada komentar